Bubukasan man sa mga ahensiya kan gobyerno asin mga lokal na gobyerno an 1.2 million na sako kan bagas na isusubasta kan National Food Authority (NFA).
Sigun ki NFA Administrator Larry Lacson, pighahalat na sana na matapos an documentation requirements para sa auction na obhetong mapaluwag an saindang mga bodega asin makabakal liwat nin mga bagong ani gikan sa mga paraoma.
Bukas man an auction para sa gabos kan private entities. Nasa P25 hasta P28 pesos kada kilo an floor price kan bagas, depende sa haloy na ining nakaimbak, asin ibabase man sa presyo kan nag-abot na mga angkat na bagas.
Posible kayang dae tangkilikon an auction kun makakabakal man nin imported asin mas bagong bagas.
Pigtawan-duon man ni Lacson na fit for human consumption pa an mga bagas maski laon o igwang kalumaan na an nagkapira sa mga ini na an iba, an nabakal pa kan taong-2023.
Mas makakamarhay soboot an pag-auction tanganing igwang marekober pang kwarta an gobyerno kasabay na man kan pagbakal nin bagong bagas gikan sa mga paraoma.
