Piglalaomang mapakol sa 1.35 milyong pasahero an mabiyahe sa paagi kan primerong gateway kan nasyon sa Ninoy Aquino International Airport (NAIA) ngunyan na Undas 2025.
Pigsierto man ni Department of Transportation (DOTr) Secretary Giovanni Lopez na nakapreparar na sinda para sa pagdagsa kan mga pasahero mantang paparani an weekend exodus huli sa pagkomemorar kan mga Santo sa Nobyembre 1, asin Aldaw kan mga kalag sa Nobyembre 2.
Nakalatag soboot na an Oplan Undas asin nakapreparar na man an iba pang ahensiya na mag-alalay kaibahan an Land Transportation Office, Land Transportation Franchising and Regulatory Board, Philippine Coast Guard magin an toll operators asin concessionaires.
Ini man soboot an nakagawian na ninda pagprepararan tuyong Undas kada taon.
Katakod kaini, nagsagibo na man nin joint inspection an DOTr kaibahan an bagong pamayuhan kan NAIA sa terminal 3 kan palupadan.
Kun saen igwa na nin bagong check-in kiosk, siring man an innovative self bag-drop asin bagong food hub na pighahalintulad sa mga palupadan sa ibang nasyon.
