1 aki gadan, 2 iba pa narescue makalihin na anudon kan tubig sa salog sa Naga City

NAGA CITY– Gadan an sarong aki asin nasalbar an iba pa makalihis na anudon nin tubig sa salog na sakop kan Victory, Pagdaicun, Mabulo, Naga City.

Sa nakuang impormasyon kan Bombo Radyo Naga, napag-araman na nagkarigos an biktimang si Rebecca Diaz kaiba an duwa kaining kakawat alagad bigla na sanang inanod kan makusog na agos kan tubig.

Tolos man na nasalbar kan mga residente an duwang aki alagad tulos nang naanod an 9-anyos na biktima.

Mientrastanto sa suhay na entrevista kan Bombo Radyo Naga ki PO3 Fatima Lanuza, tagapagtaram kan Gainza PNP, kinumpirmar kaini na nadukayan an gadan nang aki sa salog na sakop kan Zone 7, Barangay Malbong sa bayan ng Gainza.