NAGA CITY- Plano ngonyan kan mga opisyal kan sarong barangay sa ciudad nin Naga na magdeklarar nin state of calamity huli sa halangkaw na kaso kan dengue virus sa saindang lugar.
Sa entrevista kan Bombo Radyo Naga ki Kagawad Teresita Avila kan Barangay Cararayan, sinaysay kaini na nagpakol nasa 57 an kaso kan dengue sa saindang lugar kun saen duwang persona na an nagadan.
Katakod kaini, plano ngonyan kan nasambitang barangay na ipasairarom an lugar sa state of calamity para makakua nin bastanteng kwarta hale sa calamity fund na magagamit sa saindang lakdang laban sa nasambitang helang.
Marurumduman na enot ng binawian nin buhay an sarong 5-anyos na aki sa nasambitang lugar kun saen pigbabasol kan mga magurang kaini an nangyari sa mismong mga opisyal kan barangay.
