NAGA CITY – Arestado ang isang driver matapos makuhanan ng baril at mga bala sa Purok 6 Barangay Sta. Milagrosa, Calauag, Quezon.
Kinilala ang suspek na si Rodelo Monforte, 60-anyos, residente ng nasabing lugar.
Sa nakalap na impormasyon ng Bombo Radyo Naga sa Quezon Police Provincial Office (QPPO), napag-alaman na naaresto si Monforte sa bisa ng search warrant para sa kasong pagbalga sa RA 10591 “Illegal Possession of Firearms and Ammunition laban sa nasabing suspek.
Kaugnay nito, sa pagrikisa ng mga otoridad, narekober kay Monforte ang isang caliber 38 revolver at pitong live ammunition para sa caliber 38 na baril.
Samantala, isinuko na ang nasabing mga kagamitan sa Quezon Provincial Crime Laboratory Office para isailalim sa eksaminasyon.
Sa ngayon, nasa kustodiya na ng mga otoridad ang suspek para sa karampatang disposisyon.
