NAGA CITY – Arestado ang isang drug personality matapos ang isinagawang buybust operation sa Brgy. Bagong Bayan, Mauban, Quezon.
Kinilala ang suspek na si Jay Paulle Villamayor alyas Pipoy, 28-anyos, residente ng Sitio Sta.Barbara, Barangay Soledad sa nasabing bayan.
Sa nakalap na impormasyon ng Bombo Radyo Naga sa Quezon Police Provincial Office, napag-alaman na naaktuhan ng mga awtoridad ang suspek na nagbebenta ng iligal na droga matapos na makabili dito ng isang piraso nang heat sealed transparent plastic sachet ng pinaniniwalaang shabu ang nagpanggap na poseur buyer.
Sa inisyal na imbestigasyon ng mga awtoridad, maliban sa buybust item nakumpiska pa sa suspek ang limang small heat-sealed transparent plastic sachet ng pinaniniwalaang shabu, isang 500 peso bill na ginamit bilang buybust money.
Tinatayang mayroong bigat na 0.60 grams ang mga nakumpiskang iligal na droga at nagkakahalaga ng nasa P48,000.00.
Sa ngayon, nasa kustodiya na ng mga awtoridad ang suspek para sa karampatang disposisyon.
