NAGA CITY- Gadan an sarong padre de pamilya makalihis na pagbabadilon mantang nakalunad sa pampasaherong jeep sa ciudad nin Lucena.
Binisto an nagadan na si Jake Bautista, 27-anyos mantang nairido man si Enrico Cantoria, 61-anyos.
Pinagbabadil suboot kan dae pa na bibistong suspek an biktima na si Bautista mantang nakalunad ini sa pampasaherong jeep na minamaneho ni Cantoria.
Tulos man na pigdalagan sa ospital si Bautista alagad pigdeklarar na ining dead on arrival kan mga doktor mantang nairido man si Cantoria makalihis na tamaan nin layas na bala.
Narekober kan mga kapulisan sa pinangyarihan kan pambabadil an limang basyo para sa calibre 38 badil.
Sa ngonyan, nagpapadagos pa an pigkokondusir na operasyon kan mga otoridad para sa marikas na pagkakabistuhan kan nagdulag na suspetsado.
