NAGA CITY- Gadan an sarong persona mantang irido man an saro pa makalihis maaksidente an nilulunadan kaining motorsiklo sa kalabaan kan tinampo sa Brgy. Tinandog Atimonan, Quezon.
Binisto an nagadan na si Elsie Grutas, 46 anyos, backrider kan motorsiklo asin an iridong driver kaini na si German Dorado, 47 anyos.
Sa nagunong impormasyon kan Bombo Radyo Naga napag araman na binabagtas sana kan motorsiklong minamaneho ni Dorado asin kan backrider kaini an kalabaan kan tinampo sa nasambitan ng lugar kan mag over take asin aksidenteng mahagop an traier truck na minamaneho ni Marvin Fornales, 37 anyos.
Huli digdi, nakaapon an lunad kan motorsiklo asin aksidenteng nahagop kan Van na minamaneho man ni Reynan Mustar , 32 anyos an backrider na si Grutas.
Nagsapo nin lugad sa manlaenlaeng parte kan saindang lawas an mga biktima na tulos man idinalagan sa ospital alagad ideneklarar nang dead on arrival kan mga doktor si Grutas.
Sa ngunian, nagpapadagos pa an ginigibong imbestigasyon kan mga otoridad manungod sa nasambitan ng pangyayare.
