NAGA CITY- Gadan an sarong construction worker mantang nairido man an saro pa makalihis na aksidenteng makuryente an mga ini sa Bombon, Camarines Sur.
Binisto an nagadan na si Erwin Abazula, 30-anyos mantang nairido man si Philip Cadoy, 37-anyos.
Sa nakuang impormasyon kan Bombo Radyo Naga, napag-araman na pigsasablay sana ni Cadoy an saiyang ginamit na tuwalya sa sablayan na nakagakod sa poste nin ilaw sa barangay San Jose kan bigla na sana ining makuryente.
Pinurbaran kuta nang isalbar ni Abazula si Cadoy alagad nakadamay pa ini sa pagkakakuryente.
Tulos man na naidalagan sa ospital an duwang mga construction workers alagad pigdeklarar nang dead on arrival kan mga doktor si Abazula mantang nagpaparahay pa man si Cadoy.
Sa ngonyan, nagpapadagos pa an pigkokondusir na imbestigasyon kan PNP katakod kan pangyayari.
