NAGA CITY– Gadan an sarong motorista mantang irido an backrider kaini makalihis na magbangga an nilulunadan kaining motorsiklo sa poste nin kuryente sa Milaor, Camarines Sur.
Binisto an nagadan na si Buene Carlo Canave, 20-anyos mantang irido man si Ken Dominique Villaflor, 19-anyos.
Sigon ki PS/Insp. Dominic Borigas, hepe kan PNP Milaor, binabagtas kan motorsiklo na minamaneho ni Canave an tinampo sa barangay Flordeliz kan aksidente ining makabangga sa poste nin kuryente.
Huli sa kusog kan pagkakabangga , naipit pa suboot an mga biktima kan nilulunadan nindang motorsiklo.
Sigon ki Borigas, nakainom suboot an mga motorista asin posibleng nakaturog si Canave mantang marikas na nagmamaneho.
Tulos man idinalagan sa ospital an duwnag motorista alagad idineklarar nang dead on arrival kan mga doktor si Canave.
