NAGA CITY– Gadan an sarong persona mantang irido an duwang iba pa makalihis makabudal sa sarong van sa Maharlika Highway sa Brgy Concepcion 1, Sariaya, Quezon.
Binisto an nagadan na si Arjay Galit Gonzaga, driver kan motorsiklo asin an mga nalugadan na backrider na sinda Christian Rodriguez, 19 anyos asin Jister Cueto, 20 anyos.
Sa nagunong impormasyon kan Bombo Radyo Naga napag aramang binabagtas ni Gonzaga lunad nin motorsiklo an kalabaan kan nasambitan ng tinampo kaibahan an mga backriders na sinda Rodriguez asin Cueto kan magovertake ini asin aksidenteng makabudal sa kasabatang van na minamaneho ni Jerome Norada, 46 anyos.
Huli digdi, nagsapo nin lugad sa manlaenlaeng parte kan saindang lawas an mga persona asin tulos idinalagan sa ospital alagad nagadan mantang binubulong sa ospital si Gonzaga.
Sa ngunian, nagpapadagos pa an imbestigasyon kan mga otoridad manungod sa nasambitan ng pangyayare.
