NAGA CITY- Dae na naisalbar pa an buhay nin sarong dae pa nabibistong indibidwal makalihis an nangyaring aksidente sa tinampo sa Goa, Camarines Sur.
Sa nagunong impormasyon kan Bombo Radyo Naga, napag-araman na binabagtas kan motorsiklo na minamaneho kan dae pa nabibistong indibidwal an kalabaan kan pakurbadang tinampo sa barangay San Jose kan bigla na sana kaining kakanon an ibong na lane na nagresulta para magsalpok ini sa kasabatan na bihikulo.
Huli digdi, nagsapo nin lugad sa saiyang payo asin lawas an driver kan motorsiklo na tulos man na pigdalagan sa ospital alagad binawian man sana ini nin buhay mantang pigbubulong kan mga doktor.
Tulos man na pigbulong an pigsapong lugad sa saindang lawas kan driver asin duwang menor de edad na mga back riders kan saro pang motorsiklo na imbwelto sa nasambitang aksidente.
Sa ngonyan, nagpapadagos pa an pigkokondusir na imbestigasyon kan mga otoridad katakod kan pangyayari.
