NAGA CITY– Gadan an sarong motorista mantang iridu man an tolong iba pa makalihis an nangyaring head on colision kan duwang motorsiklo sa banwaan kan Pili, Camarines Sur.
Binisto an nagadan na si Edelson Neo, 26-anyos.
Sa nakuang impormasyon kan Bombo Radyo Naga, napag-araman na mantang pigbabagtas kan motorsiklo na pigmamaneho ni Neo an kalabaan kan tinampo sa barangay Cadlan sa nasambitan ng banwaan kan makabangga ini sa kasabatan na motorsiklo na pigmamaneho naman ni Private Febert Romero, na naka-assigned sa 9th Infantry Division (ID) Philippine Army (PA).
Nagsapo nin lugad sa manlaen laen na parte kan saindang lawas an mga driver kaibanan an duwang backriders ni Romero na sinda Juvan Capalongga, 21-anyos asin Rosalyn Medina, 20-anyos.
Tulos man na naidalagan sa ospital an mga biktima alagad pigdeklarar na ining dead on arrival kan mga doktor si Neo.
Sa ngunian, nagpapadagos pa an pigigibong imbestigasyon kan mga otoridad dapit sa nasambitan ng insidente.
