Binawian nin buhay an sarong 38-anyos na lalaki mantang limang iba pa an nalugadan kabali na an sarong menor de edad sa nangyaring pambabadil sa Baltimore, Maryland USA.
Nangyari an insidente harani sa Spaulding asin Queensberry Avenues mantang nagtitipon an mga tawo para sa sarong crab feed.
Basado sa report, nagsapo an aking babae nin tama kan bala nin badil sa kamot alagad dae man malala an saiyang lugad.
Mantang an saro pang lugadang biktima an nagsapo nin hababaw na lugad.
Advertisement
Mayo pang detalyes an pulisya dapit sa suspek o motibo kan pambabadil.
Mientrastanto, pig-enkaminar man an publiko sa mga nakakaaram sa pagkakabistuhan kan suspek na tolos ipaabot sa mga otoridad.
Advertisement
