Pigkumpirmar kan mga otoridad na saro an nagadan sa nangyaring pagbagsak kan sarong helicopters sa Guimba, Nueva Ecija kasuudma, Sabado nin pagkahapon.
Sigun ki Civil Aviation Authority of the Philippines (CAAP) spokesperson Eric Apolonio an nagadan sarong piloto mismo kan helicopter na sarong babaye.
Sinasay ni Apolonio nakumpirma man ini kan Guimba Police Station. Sigun pa sa opisyal na retrieve na an bangkay kan pilotong babae sa crash site.
Nagsayuma muna si Apolonio na aramon an pagkakabistohan kan babaeng piloto nin huli ta dae pa natawan nin abiso an mga kaparientes kaini.
Sigun pa ki Apolonio an Robinson helicopter na may registration number RP-C 4324 naghali nin Baguio bandang alas-11:51 nin pagkaaga kasuudma. May pasahero kayang nagbaba. Bandang alas-12:05 nag stop over an helicopter sa Binalonan, Pangasinan kun saen nag refuel ini. Makalihis an pag refuel dae tulos nakalupad an helicopter, siringman bandang alas-4:30 na nin pagkahapon kan mag take off ito. Bandang alas-5:20 nin pagkahapon nakaresiber nin report an Guimba Police Station na igwa nin nagbagsak na helicopter sa Barangay San Miguel.
Huli digdi, tulos na nagpasiring sa crash site an mga pulis asin nahiling na sarong swampy area an nagbagsak na helicopter. Basado sa nakuang identification an biktima an 25-anyos. Tulos man nagpasiring sa crash site an Aircraft Accident Investigation and Inquiry Board (AAIIB) na pinangengenotan ni (Ret.) Col. Rhomel Ronda tanganing aramon an kawsa kan aksidente.
Sa ngunyan, nagpapadagos pa man an imbestigasyon dapit sa insidente.
