NAGA CITY- Gadan an sarong Person With Disability (PWD) sa pananaksak sa Brgy. Rizaliana, Mauban, Quezon.
Binisto an biktima na si Willie Añoso, 54-anyos.
Sa nagunong impormasyon kan Bombo Radyo Naga napag araman na nagkainitan suboot an biktima asin an suspek na binisto sa alyas na Jano asin tulos na pinagsasaksak kan suspek si Añoso.
Nagsapo nin saksak sa manlaen-laeng parte kan saiyang lawas an biktima na nagin rason kan tulos kaining pagkagadan.
Sa ngunian, nagpapadagos pa man an imbestigasyon kan mga otoridad manungod sa nasambitan ng insidente.
