NAGA CITY-Gadan an saro katao makalihis mabangga kan sarong pampasaherong bus an sarong motorsiklo sa Maharlika Highway, Barangay Del Pilar, San Fernando, Camarines Sur.
Binisto an biktima na si Aldrin Noble, 22-anyos.
Sa entrevista kan Bombo Radyo Naga ki SPO1 Porterio Jesus Bragais kan San Fernando-PNP, sinaysay kaini na binabagtas kan bus na minamaneho ni Jomar Virtus, 31-anyos an tinampo sa nasambitan ng lugar.
Hasta sa makaabot ini sa pakurbadang porsyon kan tulay alagad kinakan soboot kaini an linya kan kasabatan na motorsiklo na minamaneho ni Noble na napuli sa banggaan ng duwang lunadan.
Katakod kaini nairidu sa manlaen-laeng parte kan lawas an biktima na tolos man na idinalagan sa ospital alagad dineklara ng dead on arrival kan mga doktor.
