NAGA CITY-Nagpapadagos ngunian an clearing operation kan mga kasuldadusan makalihis makaengkwentro kan mga ini an grupo kan mga rebeldeng New People’s Army (NPA) kasubagong aga sa banwaan kan Garchitorena, Camarines Sur.
Sa entrevista kan Bombo Radyo Naga ki Capt. Joash Pramis, chief kan Division of Public Affairs Office(DPAO) kan 9th Infantry Division, Philippine Army , sinaysay kaini na pasado alas-5:00 nin aga kan makahampang kan tropa kan 83rd Infantry Batallion an kinakarkulong maabot sa 20 miembro kan mga rebelde sa Sitio Pagsurungan, Brgy Lidong sa nasambitan ng banwaan.
Sigon ki Pramis, napuruhan sa nasambitan ng bakbakan an sarong pigtutubudang rebelde mantang narekober man sa lugar an duwang high powered firearms asin duwang improvised explosives device.
Basado soboot sa nakaabot sa saindang impormasyon, may mga pigtutubudang miembro kan mga rebelde an naglilibot libot sa lugar kung kaya tulos man na nagresponde an mga militar.
Sa ngunian, inaaram pa kan mga otoridad kung ano an plano kan grupo sa lugar huli ta apwera sa mga narekober na mga badil, may dara man an mga ini nin pampasabog.
