NAGA CITY- Irido an sarong pulis makalihis an nangyaring karambola kan apat na motorsiklo sa Sipocot, Camarines Sur.
Binisto an nairido na si PO1 Andrew Gomez, 35-anyos asin presenteng naka-assign sa PNP Lupi.
Sa nakuang impormasyon kan Bombo Radyo Naga, napag-araman na binabagtas kan motorsiklo na minamaneho ni PO2 Harry Dave Lita, 30-anyos an tinampo sa barangay North Centro kan aksidente ining salpukon kan kasabatan na motorsiklo na minamaneho ni Jon Christian Nolasco, 28-anyos asin empleyado kan Department of Social Welfare and Development (DSWD).
Huli digdi, aksidenteng nakabangga man sa motorsiklo ni Lita an motorsiklo na minamaneho ni PO1 Joseph Cabaltera asin ni Gomez.
Nagsapo nin lugad sa saiyang lawas si Gomez na tulos man na pigdalagan sa ospital para maipabulong.
Inaaram pa ngonyan kan mga kapulisan kun pira an kabilugang danyos sa apat na mga motorsiklo makalihis an nangyaring karambola.
