10-anyos na estudyante, nahagop ng motorsiklo mantang nagbabalyo sa pedestrian lane sa Pili Cam Sur

NAGA CITY- Irido an sarong 10-anyos na estudyante makalihis mahagop kan sarong motorsiklo sa Maharlika Highway, San Jose, Pili Camarines Sur.

Sa nagluwas na imbestigasyon kan mga otoridad, nagbabalyo suboot an biktima sa paagi kan pedestrian lane kan mahagop kan sarong motorsiklo na pigmamaneho ni Ariel Pontamar, 25-anyos.

Katakod kaini, nagsapo nin lugad sa manlaen laen parte kan saiyang lawas an biktima na tulos man pigdalagan kan nasambitan na driver sa ospital.

Sa ngunyan, nagtitinir na sa kustodiya kan mga otoridad si Pontamar para sa maninigong disposisyon.