NAGA CITY – Nakatalaan na magdistrebwer nin mga school supplies an Naga City E-bike association sa maabot na Hulyo 20, 2024 sa compound kan City Hall.
Sa entrevista kan Bombo Radyo Naga ki Trinity Mayor, Presidente kan Naga City E-bike association, sinaysay kaini na nasa 100 na mga kaakian o posibleng madugangan pa an mabebenipisyaran kan nasambitan ng aktibidad.
An mga benipisyaryo man soboot an mga kaakian sa mga barangay na dae nakakaresibe nin tabang gikan sa barangay o dae nakakabali sa mga listahan kan mga natatawan nin siring na tabang.
Apwera sa mga donasyon na piggamit ninda tanganing makabakal nin mga school supplies naggastos man an saindang asosasyon tanganing mas kadakol pa an magin benipisyaryo kaini.
Sa ngunyan, pinaglalaoman na sana kaini na magseserbing dakulang tabang an saindang iheheras na mga school supplies sa mga estudyante.
