Pigbuyagyag kan Republic of Korea Military Police na nasa 100 suldados kan North Korea an nagadan sa labanan sa Ukraine-Russia war puon kan magbali an mag ini sa lado kan Russia sa premirong parte kan Disyembre.
Ini an base sa impormasyon na ipina-abot kan National Intelligence Service sa parliament kun saen nasa 1,000 iba pang North Koreans an nalugadan sa giyera.
Sigun sa Military Police officer na si Lee Sung-kwon, kabali sa mga binawian nin buhay an high-ranking officials asin posibleng bakong pamilyar an mga ini sa terrain asin drone warfare.
Naenot naman sinaysay kan tagapagtaram kan US Pentagon kan Lunes na nagadan an mga suldadong North Koreans kan dae nagtatao nin eksaktong numero asin makalihis an sarong aldaw, pigkumpirmar kan sarong US official na igwa nin pirang gastos na North Koreans an nagadan o nalugadan sa giyera.
Pinagtutubodan na nagadan an mga ini sa Kursk region kan Russia kun saen nakubkob kan Ukraine an sarong sadit na teritoryo digdi makalihis an saidang sorpresang pagsalakay kan Agosto.
Marurumduman, naenot ng naireport kan Oktubre kan presinteng taon na nagpadara an NoKor nin 10,000 tropa kaini tanganing tabangan an Russia sa giyera kaini sa Ukraine.
