Nawawara an 11 tripulante matapos pasabugan an duwang barkong pang-merkado sa Black Sea harani sa baybayon kan Bulgaria kan Martes, Oktubre 13.
An insidente konektado sa nagpapadagos na sigalot sa pag-ultanan kan Ukraine asin Russia, segun ki Bulgarian Prime Prime Minister Rumen Radev.
Ipinaapod ni Radev an Russian ambassador matapos pabagsakon kan Russian drones an mga barko.
An Chelsea 3, sarong Ukrainian-owned cargo ship na may 15 tripulante, an tinamaan kan tulong Russian Aerial Drones, alagad tulos na nailigtas an gabos na sakay.
Kaiba man sa inatake an HS Dignity, sarong Guinea-Bissau cargo vessel, kun saen limang katawo an na-rescue alagad 11 tripulante kaini an nawawara pa.
Naaalarma na an North Atlantic Treaty Organization (NATO), European Union (EU), siring man an Ukraine asin Bulgaria sa nag-aambang peligro sa Black Sea huli kan gera.
Sa nakalihis na 12 bulan, sobra 45 na barkong pang-merkado na an nairehistrong inatake sa Black Sea.
