Naghahampang ngunyan an kabilogang numero na 117 pinoy gikan sa Makati City Office sa mga kasong igwang kaugnayan sa Data Privacy Act makalihis ma-raid kan Presidential Anti-Organized Crime Commission (PAOCC) an mismong opisina kaini.
Sigun sa PAOCC, napag-araman soboot kan mga otoridad na nagsisirbi ining hub para sa mga kadakol na lending application services an opisina na nangha-harass soboot kan mga nag-uutang digde.
Sa laog kan 131 na mga obrero na nasa irarom kan kustodiya kan PAOCC, 14 an an nagtugot na magin testigo sa korte asin magin witness kan mga nagigin transaksiyon sa laog kan hub.
Huli digde, an 14 na mga obrero an mapapawarang bisa sa mga kinakahampang na mga kaso kaini mantang an natatada man an mahampang sa piskalya tanganing maaraman kun magkakaigwa nin paninimbagan an mga ini o mayo.
Mientrastanto, matinir na paramientras sa kustodiya an mga nadakop asin susunadan nin mga magkakanigong kaso mantang padagos man an PAOCC asin National Bureau of Investigation (NBI) sa imbestigasyon para sa mga posibleng koneksyon kaini sa Philippine Offshore Gaming Operations (POGO).
