Nakuanan na an nasa 12 kaparientes kan mga nawawarang sabungero nin DNA samples.
Sigun Kay Philippine National Police (PNP) spokesperson Brig. Gen. Jean Fajardo,tighahalat na sana soboot an opisyal na resulta na iluluwas kan Forensic group kun may nag-match na posibleng human remains na narekober gikan sa Taal Lake sa samples gikan sa kapamilya kan mga nawawarang sabungero.
Enkaso man soboot na may magtugma, magpapakusog ini sa mga ebidensya sa kaso na talagang ginadan an 34 na missing sabungeros.
Magigirumduman na pinunan an retrieval operations sa Taal Lake kan Huwebes kan nakalihis na semana, na nag resulta sa pagkakarekober kan dai mababa sa limang sako, kaiba an saro na may laog nin pinagtutubudang sulong lawas kan tawo.
Nakua kan mga diver an mga ini gikan sa lakebed may 10 metro ang rayo gikan sa baybayon kan Barangay Balakilong sa Laurel, Batangas.
Mientrastanto, isinagibo kan PCG an search and retrieval operations makalihis isiwalat kan saro sa mga suspetsado asin whistleblower na si Julie Patidongan alyas Totoy na inapon an bangkay kan mga ginadan na sabungero sa lawa.
