NAGA CITY– Iridu an 12 katao kabale na an sarong umboy sa karambola kan limang lunadan sa Maharlika Highway, Barangay Mabini, Libmanan, Camarines Sur.
Sa nakuang impormasyon kan Bombo Radyo Naga gikan sa Philippine National Police (PNP), napag-araman na mantang binabagtas kan sarong kotse an tinampo sa nasambitan ng lugar kan purbaran kan driver na mag-overtake sa sinusundang lunadan.
Alagad dae tulos ini nakabwelta sa saiyang linya hasta sa suminalpok sa kasabatan na bus na nagresulta para mawaran man ini nin kontrol asin nakabangga man sa saro pang kotse.
Katakod kaini, nakabangga man an saro pang pampasaherong bus sa nasambitan ng kotse mantang nawaran man nin kontrol an nakasunod na van hasta sa suminalpok man ini sa nasambitan ng mga lunadan.
Katakod kaini, nagsapo nin lugad sa manlaen laen na parte kan saindang lawas an 12 pasahero kan nasambitan ng mga lunadan na tulos man na idinalagan sa mga ospital sa Libmanan asin syudad nin Naga.
Mientrastanto, sa entrevista kan Bombo Radyo Naga ki Noel Hara, Operation Commander kan Municipal Disaster Risk Reduction and Management Office (MDRRMO)-Libmanan, tulos soboot nindang inagapan an sa rong umboy na nakaapon sa tinampo mantang pano nin bubog an lalawgon.
Kritikal man soboot an kamugtakan kan nagkapirang pasahero na naipit sa laog kan nasambitan ng mga lunadan.
Sa ngunian, nagpapadagos pa an imbestigasyon kan mga otoridad mantang nagresulta man sa magabat na trapiko an nansambitan ng aksidente.
