Nakapreparar an Middle East para sa potensyal na pagbungkaras kan kadahasan makalihis sabihon kan mga otoridad kan Israel kan Domingo na sarong rocket gikan Lebanon an nagtama sa soccer field sa Golan Heights na kontrolado kan Israel, an nanggadan nin 12 mga aki asin jovenes kun saen ini man an maikokonsiderar na deadliest attack sa mga sibilyan puon kan Oktubre 7.
An pag-atake man na ini an nagkawsa nin pagkahandal sa mas mahewas na giyera sa pag-ultanan kan Israel asin Hezbollah na pinahimutikan man an nasambitan ng pag-atake.
Marurumdoman, kan aldaw nin Sabado, sarong rocket an nagbagsak sa soccer pitch kun saen dose-dosenang mga aki asin mga jovenes an nagkakawat sa Druze town of Majdal Shams, kun saen makukua 12 kilometro (7 milya) sa timog kan Lebanon asin kataid kan Syrian border.
Nasa edad 10 hasta 20-anyos an nagadan asin 20 an nalugadan sigun sa Israeli military.
