Pighatulan nin tolong bulan na pagkakakulong sa Malaysia an 12 OFW na naarestar sa paggamit nin pekeng entry permit palaog nin Laos.
Napag-araman na na arestar an 12 OFW kan Pebrero asin hinatulan kan Malaysian government kan Mayo 20, 2025. Asin huli ta tolong bulan na pagkakakulong sana, posible man sindang palibrehon sa Hunyo.
Sa tabang kan Philippine Embassy asin DMW, naibaba an sentensya sa tolong bulan. Sa paagi kan Telegram sana ni-recruit an mga biktima asi pinagamit kan pekeng entry permit pasiring Laos.
Sigun sa Department of Migrant Workers (DMW), inalok nin trabaho komo call center agents na may sweldo na P50,000 kada bulan an mga biktima.
Nagbyahe an mga OFW gikan Pilipinas pasiring Sabah gamit an ilegal na ruta asin natimbog paglaog sa border kan Malaysia asin Thailand kan Pebrero 2025.
