Bweltada na nin nasyon an 13 bados na pinay na nakulong sa Combodia huli sa ilegal na pagigin surrogate mother kan mga ini sa nasambitan ng nasyon.
Basado sa ipinaluwas na pahayag kan Department of Foreign Affairs (DFA), nasunadan nin padusa an 13 filipina kan nakalihis na Disyembre 2 kan presenteng taon huli sa pagbalgar sa Suppression of Human Trafficking na batas kan Cambodia.
Huli sa padagos na effort asin pakikipag-koordinar kan ahensiya an natawan nin pardon an mga ini asin tulos na pinalaya para sa kani-kaniyang immediate repatriation.
Nagpasalamat man an DFA sa pakikinig asin paggawad kan pardon ni Haring Preah Bat Samdech Preah Boromneath Norodom Sihamoni sa 13 pinay.
Mientrastanto, nagpaabot man nin tabang o humanitarian treatment an royal governent kan Combodia tanganing ibahan an mga filipina sa proseso kan saindang mga kaso.
Bako man ini an enot na beses na nagkaigwa nin siring na insidente na igwang kaaraman sa iligal na surrogacy na kinababalihan kan mga pinay an naikurit kan DFA.
Padagos man an ahensiya sa pagpapagiromdom na igwang mga nasyon kaibahan na an Combodia kun saen banned an surrogacy asin an dawa sisay man na mabalgar an mapapadusahan sa irarom kan Combidia Law.
