13 sa mga luxury vehicles kan pamilya Discaya sa St. Gerard Compound sa Pasig City, pigturn-over na sa BOC

Pigturn-over na sa Bureau of Customs (BOC) ang 13 luxury cars kan pamilya Discaya na nasa laog kan St. Gerrard Construction Compound sa Pasig City.

Mag-aalas 2:00 nin mag-oomagahon kasubago kan hatakon an nagkapirang mga mamahalong kotse sa laog kan nasambitan ng compound pasiring sa BOC sa Manila.

Bantay-sarado kan pinagsarong pwersa kan Bureau of Customs, Philippine Coast Guard (PCG) asin Pasig City Police an palibot kan compound.

Sa inisyal na report, nasa 10 mamahalong kotse na an presenteng nasa pangangataman kan BOC.

Mantang tolo man digde an presenteng dadarahon sa BOC kun saen ginamitan na nin tow truck an duwa.

Marurumduman, pigselyuhan ini kan BOC kan Setyembre 3 tanganing imbestigaran kun nag-agi ba ini sa proseso kan Customs law.