NAGA CITY – Gadan an sarong menor de edad na lalaki makalihis aksidenteng makainom soboot nin insecticides sa banwaan kan Ocampo, Camarines Sur.
Sa entrevista kan Bombo Radyo Naga ki Alex Orcine, ama kan biktimang si John Axell Orcine, 14-anyos, sinaysay kaini na nagkawat an aki asin kan magpuli sa harong, ininom kaini an nasa laog kan sarong disposable glass na namaluan kaining tubig.
Alagad bigla na sana soboot nag-iba an pagmati kan biktima hasta sa idinalagan na ini sa ospital asin duman kinumpirmar kan doktor na hilo an nainom kan aki.
Sa ngunian, palaisipan sa pamilya Orcine kung siisay an nagbugtak kan insecticide sa laog kan saindang harong.
