Aram baya nindo mga ka-bombo, si Siddharth Nandyala, sarong 14-anyos na gikan sa Dallas an nag-developed nin AI-powered smartphone app na pig-apod na Circadian AI.
Ini an kayang maka-detect nin helang sa puso sa laog kan pitong segundo basado sana sa tanog.
Susog sa report si Nandyala an bakong karaniwan na 14-anyos na aking lalaki nin huli ta ini an pigkonsederar na world’s youngest AI-certified professional na kapot an sertipikasyon gikan sa Oracle asin ARM.
Ini an pursigido na i- revolutionize an cardiovascular disease detection gamit an AI-powered smartphone app na kayang ma-detect an helang sa puso sa laog sana kan segundo sa paagi kan pag-analisar sa tanog.
An Circadian AI an naggagamit nin advanced algorithms na nag-aanalisar sa tanog kan puso na nakukua man kan smartphone asin tolos na nakakapagtao nin diagnosis na posibleng makasalbar nin buhay kan mga tawong naggamit kaini.
An makabagong app na ini an pig-testing sa haros 15,000 na pasyente sa Estados Unidos asin 700 na pasyente sa India, na igwang accuracy na 96 percent.
