Aram baya nindo mga ka-bombo, sarong 14-anyos na pigmirar komo”human calculator” gikan sa India an giraray pigtesting an saiyang kakayanan partikular sa pagkwenta gamit an isip.
Binisto an nasambitan ng inndibidwal na si Aaryan Shukla, gikan sa Maharashtra.
Marurumduman, si Shukla an nakapagrehistro na nin saiyang enot na Guinness World Record kan nakalihis na taon kan makapagkurit ini nin world record komo fastest time to mentally add 50 five-digit numbers sa sarong set kan Italian TV series.
Matrayumpong natapos ni Shukla an nasambitan ng test sa laog kan nasa 25.19 seconds. Huli kaini, pig-imbitaran an 14-anyos na si Shukla kan Dubai by Guinness World Records na kun saen matrayumpo kaining naibulsa an duwang na anom na titulo.
Sa laog nin sarong aldaw, napasa ni Shukla an saiyang record para sa fastest time to mentally add 100 four-digit numbers (30.9 seconds), fastest time to mentally add 200 four-digit numbers (1 minute, 9.68 seconds), fastest time to mentally add 50 five-digit numbers (18.71 seconds), fastest time to mentally divide a 20-digit number by a ten-digit number (5 minutes, 42 seconds), fastest time to mentally multiply two five-digit numbers (51.69 seconds) asin fastest time to mentally multiply two eight-digit numbers (2 minutes, 35.41 seconds).
Sigun sa Guinness World Records, nag-eensayo soboot si Shukla kan saiyang pagkwenta sa laog kan nasa lima hasta anom na oras kada aldaw tanganing magin matalas an saiyang isipan para sa kompetisyon.
Basado man sa salaysay kan ama ni Shukla, dae soboot ninda aram kun saen gikan an skills kan saiyang aki.
