NAGA CITY- Irido an 14 persona makalihis na mahulog sa ampas an sarong pampasaherong bus sa Maharlika Highway sa parte kan Calauag, Quezon.
Basado sa impormasyon hale sa PNP Calauag, nangyari an nasambitang aksidente alas-4 nin mag-uumagahon ngonyan na aldaw kun saen nagkasabatan suboot an pampasaherong bus na Bicol Isarog asin an kotse.
Pasiring sa Metro Manila an pampasaherong bus mantang pasiring man sa direksyon kan rehiyong Bicol an kotse kan mangyari an aksidente.
Susog man sa inisyal na imbestigasyon kan mga kapulisan, nagluluwas na marikas an dalagan kan bus na nagresulta sa pagbaliktad asin pagkakahulog kaini sa ampas.
Tulos man na pigdalagan sa ospital an 13 mga pasahero kan bus asin an sarong pasahero kan kotse na nagsapo nin menor na lugad sa saindang lawas.
Nagtitinir na sa kostudiya kan mga otoridad an driver kan duwang bihikulo mantang nagpapadagos pa an pigkokondusir na imbestigasyon kan mga otoridad manungod sa pangyayari.
