NAGA CITY- Ipinadara na sa Mindanao an 140 na mga bagong soldados hale sa 9th Infantry Division, Philippine Army.
Sa entrevista kan Bombo Radyo Naga ki Capt. Joash Pramis, chief kan Division of Public Affairs Office (DPAO) kan 9ID, sinaysay kaini na hale sa saindang national headquarters an kasuguan na ipadara an nasambitang numero nin mga bagong soldados na nagtapos sa training kan nakaaging Setyembre 1.
Madedestino suboot an nasambitang mga soldados sa 4th Infantry (DIAMOND) Division, Camp Evangelista, Patag, Cagayan de Oro.
Pinangenotan ni BGen. Danilo Chad Isleta, Asst. Division Commander kan 9ID an send off ceremony para sa mga soldados kan nakaaging aldaw.
Sigon ki Pramis, nakaabot na ngonyan an mga soldados sa Laguindangan Airport makalihis na magbyahe lunad nin C130 plane suodma.
Nagtutubod man an manhamiento kan 9ID na magigibo kan mga bagong soldados an saindang pigsumpaan na responsibilidad asin mandato sa Armed Forces of the Philippines (AFP).
