NAGA CITY – Iridu an nasa 17 katao makalihis mahagop kan bus an sarong jeep sa Barangay Danlagan, Lopez, Quezon.
Sa nakuang impormasyon kan Bombo Radyo Naga gikan sa Quezon Police Provincial Office (QPPO), napag-araman na binabagtas kan Eagle Star na minamaneho ni Eduardo Retal Boyano, 51-anyos an kalabaan kan tinampo sa lugar gikan sa Bicol Region asin pasiring kuta na sa Manila.
Alagad pag-abot sa nasambitan ng lugar, aksidente kaining nahagop an Isuzu Jitney na minamaneho ni Rey Losa, lunad an 16 mga pasahero.
Katakod kaini, nagsapo nin lugad sa manlaen laen na parte kan lawas an ang mga biktima na tulos man na idinalagan sa ospital.
Sa ngunian, nagpapadagos pa an imbestigasyon kan mga otoridad dapit sa na sambitan ng aksidente.
