Aram baya nindo mga ka-bombo, sarong 19-anyos na lalaki gikan sa China an nakaeksperyensiya nin labing katakutan sa saiyang buhay makalihis na magimata sarong aldaw na dae na kaini namamatean an sadiring lawas.
Binisto an lalaki na si Xiao Dong, sarong third-year student sa university sa Quanzhou sa probinsiya kan Fujian.
Susog sa report, si Xiao Dong an mahilig magdalan sa saiyang cellphone sa halawig na oras kun saen an saiyang habit an nagin rason tanganing mabugtak sa alanganin an saiyang buhay.
Katakod digde, makalihis na makakua nin summer job sa paagi kan paghugas nin mga plato asin pagpunas nin mga lamesa napag-araman na an blood vessels harani sa gulugod kan lalaki an naglala.
Apwera digde, napag-araman pa na an libredong oras ni Xiao Dong piggamit kaini sa pag-ce-cellphone, pagkawat nin video games asin pag-browse sa social media platforms.
Sa enot, namatean kaini an pamamanhid kan saiyang liog, braso asin lapi alagad nag-abot sa punto na dae na kaini mamate an saiyang bilog na lawas.
Tolos na pigdara sa ospital si Xiao Dong asin digde na nadiskubrer kan mga doktor an dakulang blood clot sa saiyang cervical spine na yaon na sa kategoryang C4-T1 segment na nagresulta sa pagkaparalisa kaini.
Sigun sa mga doktor an padagos na pagyuko kan payo sa laog nin halawig na oras an makawsa nin anormal blood vessel sa spinal canal, na maporma man sa hematoma asin magigin rason sa acute paralysis.
Sa ngunyan, padikit-dikit na nakakarekober an lalaki sa saiyang sinapong helang alagad abuton pa soboot nin medyo halawig na panahon.
