Umalma si Senator Ping Lacson sa dae patas na pagpapataw nin buwis sa nasyon sa pag-ultanan kan napagkasunduan kan Pilipinas asin Estados Unidos makalihis an 3-day official visit ni Presidente Bongbong Marcos sa US.
Sa irarom kan PH-US Trade Agreement, nagkasundo sinda Presidente Marcos asin US President Donald Trump na patawan nin 19 percent tariff an mga produktong mahali sa Pilipinas mantang zero tariff man an nagkapirang mga produktong mahali sa Estados Unidos.
Hurot ni Lacson, dakulang insulto kaini para sa nasyon.
Sa pirang dekada na magkaalyado an Pilipinas asin US, an 19% laban sa 0% tariff an nuarin man bakong maikokonsiderar na patas na kasunduan.
Huli sa tratong ini kan US, pigtawan duon ni Lacson na panahon na tangani maghanap an Pilipinas nin ibang trade partners.
Mientrsatnto, nagin kahapotan man ni Senator Imee Marcos sa saiyang tugang na si PBBM, kun pano soboot masasabing gana an Pilipinas kun dakulang taripa an ipapataw sa mga produktong gikan sa nasyon mantang mayo man nin buwis para sa mga produktong gikan Amerika.
