2 aki gadan kan malamos sa salog sa Lucena City

NAGA CITY-Gadan an duwang aki makalihis na malamos sa Dumacaa River sa ciudad nin Lucena.

Binisto an mga biktima na sinda Angela Parado, 8-anyos asin si Jay–B Elorder, 4 anyos.

Sa nagunong impormasyon kan Bombo Radyo Naga, napag-araman na nagkakarigos an duwang mga biktima kaibanan an iba pa kaining mga amigo sa salog sa barangay Gulang Gulang kan makaabot an mga ini sa hararom na parte kan nasambitang salog.

Dae naman nagibo pang maisalbar kan lola ni Elorder na si Beverlyn Parado, 51 anyos an duwang mga biktima.

Nadukayan na sana an bangkay kan duwang mga menor de edad makalihis an pigkondusir na search and retrieval operations kan mga otoridad.