2 arestado makalihis an drug ops sa Quezon; bala asin droga, narekober

NAGA CITY- Arestado kan mga kapulisan an duwang persona makalihis an pigkondusir na anti-illegal drug operation sa Candelaria, Quezon.

Binisto an mga suspek na sinda Bryan Carandang, 30-anyos asin si John Andrew Rabe, 23-anyos.

Nadakop an mga suspek makalihis an pigkondusir na buy bust operation sa barangay Pahinga Norte.

Nakumpiskar kan mga otoridad sa mga suspek an duwang sachet na naglalaog nin pigtutubudang shabu, sarong cal. 38 revolver asin tolong mga bala.

Nagtitinir na ngonyan sa kostudiya kan mga kapulisan an nasambitang mga suspek mantang pig-aandam na an kasong isasangat laban sa mga ini.