Nagdara nin dakulang kasulo an banggaan kan oil tanker asin cargo ship sa northeastern kadagatan kan England.
Nagpadara nin helicoptersbasin lifeboats na gikan sa haraning banwaan tanganing respondihan an lugar. Mapakol man sa 32 na katawo an naisalbar gikan sa nasulong cargo vessels.
Gabos soboot kan mga crew kan US-Flagged Stena Immaculate tanker an salbado kan makabangga an Portoguese-flagged container na Solong.
An Stena Immaculate an saro sa 10 na mga barko kan US Military na piggagamit tanganing magdara nin mga gasolina tuyong igwang kariribokan asin emergencies.
Gikan sa Agioi port kan Greece an Stena Immaculate mantang an Solong, gikan sa Grangemouth port kan Scotland asin pasiring sa Rotterdam sa the Netherlands.
Igwang labang 600 talampakan an Stena Immaculate mantang an Solong an igwang 461 talampakan an laba na ginibo kan nakalihis na taong-2005.
Inaaram na kan mga otoridsd an kawsa kan insidente siring man kun igwang nagtagas na langis gikan sa mga barko.
