NAGA CITY– Haros magkasabay sana an nairehistrong engkwentro sa pagultanan kan militar asin kan mga rebeldeng New People’s Army (NPA) kasubagong udto sa mga probinsya kan Albay asin Camarines Sur.
Sa impormasyong ipinaabot ni Capt. Joash Pramis, chief kan Division of Public Affairs Office (DPAO), 9th Infantry Division (ID) Philippine Army sa Bombo Radyo Naga, sinaysay kaini na kasubagong udto sana kan magkaengkwentro an pwersa kan gobyerno asin an rebeldeng grupo sa Barangay Bololo sa banwaan kan Guinobatan, Albay.
Sigon ki Pramis, an nasambitan ng engkwentro an haros sinabayan kan saro pang bakbakan kan duwang parte na nairehistro sa banwaan kan Lagonoy, Camarines Sur.
Kinumpirmar man ni Pramis na sarong miembro kan rebelde an napuruhan sa nasambitan ng bakbakan sa CamSur.
Sa ngunian, nagpapadagos pa an pigigibong clearing operations kan mga otoridad sa basambitan ng mga lugar.
