NAGA CITY- Matrayumpo an pagkundusir kan magkasuway na 2 Fluvial Procession ki Divino Rostro asin Inang Peñafrancia sa Banwaan nin Sagñay kasuudma.
Sa entrivesta kan Bombo Radyo Naga ki PSsg Jhuna N Esplana, PIO/PCR PNCO-Sagñay MPS. Sinaysay kaini na nagin smooth asin mayu nin nairehistrong kariribukan sa pigkundusir na duwang Fluvial Procession, ini an huli sa marhay na koordinasyon kan mga deboto sa lugar asin pagigin preparado kan PNP-Sagñay asin katuwang na iba pang ahensya.
Siringman, an mga deboto soobot na nag atindir sa Fluvial Procession sa dagat sa parte kan Barangay Nato an nagdikit asin nasa poco mas-o-menos nasa 500 na mga deboto sana, alagad dae boot sabihon na an mga deboto an na bawasan. Pigheras kaini huli sa kasabay man kaini an saro pang Barangay na sakop kan banwaan an Barangay Tinorongan sa pagkundusir kan parehas na aktibidades sa salog na katakod man kan Peñafrancia Festival kun sain nabanga an mga nag-atindir na mga deboto.
Dugang pa ni Esplana, na nakisumaro man an panahon kasuudma asin kalmado an dagat sa pagkundusir nin fluvial procession siringman sa parte kan Salog sa Barangay Tinorongan. Gabos man na mga debotong parasisira na nakisumaro asin nagsakay sa mga kanya-kanyang mga bangka na ipigkukunsederar na panata ninda an pagpartisipar sa taon-taon na pagkukundusir nin Fluvial Procession.
Sa ngunyan pagirumdom na sana kan opisyal na magin maingat an lambang publiko sa ano man na mga a-atindiran na mga aktibidades, asin ibitaran an mga pagdara nin mga gamit na pwede na magin rason kan panghahabon.
