NAGA CITY- Dead on the spot an duwang motorista mantang irido man an duwang backrider kaini sa salpukan kan duwang motorsiklo sa kalabaan kan tinampo sa Brgy. 7, Banahaw, Labo, Camarines Norte.
Binisto an mga nagadan na driver na sinda Edmar Sereno, 28 anyos asin si Enrico Oning, 48 anyos mantang padagos pang binubulong an duwang backriders kaini.
Sa entrevista kan Bombo Radyo Naga ki PSupt Ricky Camisola, Chief of Police kan Labo-PNP, sinaysay kaini na parehas na marikas an pagpapadalagan kan duwang lunadan kan biglang maghead on collision pag-abot sa nasambitan ng lugar.
Katakod kaini, nagsapo nin malalang tama an duwang driver na tulos nagadan sa lugar kan pinangyarihan mantang tulos man idinalagan sa ospital an duwang backriders kan mga ini.
Sa inisyal na imbestigasyon kan mga otoridad napag aramang burat an driver kan nasambitan ng mga motorsiklo kan mangyari an aksidente.
Sa ngunian, nagpapadagos pa man an imbestigasyon kan mga otoridad manungod sa nasambitan ng pangyayari.
