NAGA CITY- Gadan an duwang persona mantang irido man an duwang iba pa makalihis an nangyaring karambola kan tolong bihikulo sa banwaan nin Ragay, Camarines Sur.
Binisto an nagadan na sinda Bernardo Esta, 44-anyos asin Jhun Pol Esta, 26-anyos.
Sa nakuang impormasyon kan Bombo Radyo Naga, napag-araman na binabagtas kan sarong wing van na minamaneho ni Retchie Ganado, 41-anyos an kalabaan kan tinampo sa barangay Panaytayan na pasiring kuta na sa ciudad nin Lucena kan bigla na sana kaining kakanom an ibong na lane na nagresulta para mahagop kaini an minamanehong motorsiklo ni Bernardo.
Huli digdi, aksidente man na nakasalpok an motorsiklo ni Esta sa saro pang motorsiklo na minamaneho man ni Justine Delos Reyes, 19-anyos.
Nagsapo nin lugad sa saindang lawas an duwang driver kan motorsiklo siring man an saindang mga backrider na sinda Jhun Pol asin si Wilson Almediere, 23-anyos.
Pigdeklarar man na dead on arrival kan mga doktor sinda Jhun Pol asin si Bernardo mantang padagos pang pigbubulong sa pigsapo nindang mga lugad an duwa pang mga motorista.
Sa ngonyan, nagpapadagos pa an pigkokondusir na imbestigasyon kan PNP katakod kan pangyayari.
