NAGA CITY- Dae na nag-abot pa nin buhay sa ospital an duwang persona makalihis an nangyaring aksidente sa Nabua, Camarines Sur.
Binisto an mga nagadan na sinda Isaac Abinal, 62-anyos asin si Meriam Abinal-Coronel, 36-anyos.
Sa nakuang impormasyon kan Bombo Radyo Naga, napag-araman na binabagtas kan duwang persona an kalabaan kan tinampo sa barangay San Antonio lunad kan saindang motorsiklo kan mawaran nin kontrol sa manibela an driver na si Abinal.
Huli digdi, nakasalpok an saindang motorsiklo sa sarong poste sa lugar asin nahulog pa sa kale.
Nagsapo nin lugad sa saindang lawas an duwang motorista na tulos man pigdalagan sa ospital alagad pigdeklarar ng dead on arrival si Abinal mantang binawian man sana nin buhay si Coronel mantang pigbubulong kan mga doktor.
