NAGA CITY– Maabot sa labi sarong milyon an danyos na pigwalat kan nagbungkaras na kasulo sa Brgy 01-Poblacion, Catanauan, Quezon.
Sa nagunong impormasyon kan Bombo Radyo Naga, napag-araman na nagpuon an kasulo sa harong kan sarong Leopoldo Batario.
Marikas na naglakop an kalayo hasta sa nadamay pa an harong ni Ernesto Avines.
Naghaloy nin haros labi sa sarong oras antes nadagos nang naideklarang fire out kan kabuhan kan BFP an nasambitan ng kasulo.
Sigon sa fire investigator, posibleng short circuit an pigikanan kan nasambitan ng kasulo. Maswerte naman na mayong nalugadan o nagadan sa nasambitan ng pangyayari.
