NAGA CITY- Nilaog kan mga parahabon an duwang harong sa banwaan nin Daet, Camarines Norte.
Pwersahan suboot na nilaog kan suspek na si Jesus Bradecina Jr., 27-anyos an harong kan biktima na si Mary Grace Mariano, 37-anyos sa Barangay Alawihao.
Napagmata na sana an biktima asin naaktuhan an suspek mantang kinukua an saiyang cellphone.
Tulos man na nadakop kan mga kapulisan an suspek na si Bradecina asin narekober an hinabon kaining gamit. Mientrastanto, nalalay man kan dai pa nabibistong mga suspek an sarong cellphone na nagkakantidad nin P38,000 sa harong kan biktima na si Jomar De Jesus, 25-anyos sa Barangay Magang.
Basado sa imbestigasyon kan mga kapulisan, kinua kan suspek an cellphone kan biktima sa paagi kan paglaog kan saiyang kamot sa nakabukas na sliding window.
Sa ngunian, nagpapadagos an ginigibong imbestigasyon kan mga kapulisan tanganing madakop an nakadulag na mga suspetsado.
