NAGA CITY– Irido an duwang indibidwal makalihis mabanggaan nin van sa kalabaan kan Maharlika Highway sa Brgy. Bolo Sur, Sipocot, Camarines Sur.
Binisto an mga biktima na sinda Sulficio Ramos, 58 anyos asin sarong menor de edad.
Sa nagunong impormasyon kan Bombo Radyo Naga napag araman na binabagtas kan suspek na si Devin Sayson, 38 anyos lunad nin van an kalabaan kan nasambitan ng tiampokan mawaran ini nin kontrol asin mabanggaan an mga biktima na naglalakaw sana sa lugar asin dagos pa ining nagbudal sa barikadang nasa gilid kan tinampo.
Huli digdi, nagsapo nin lugad sa manlaenlaeng parte kan saiyang lawas an mga biktima na tulos idinalagan sa ospital.
Sa ngunian, nagpapadagos pa man an imbestigasyon kan mga otoridad sa nasambitan ng insidente.
