NAGA CITY- Irido an duwang persona makalihis an nangyaring salpukan kan tricycle asin motorsiklo sa Pasacao, Camarines Sur.
Binisto an mga nairido na si Arnel Olitoquit, 52-anyos asin si Fernando Bustamante, 27-anyos.
Binabagtag suboot kan tricycle na minamaneho ni Jerald Bustamante, 22-anyos an tinampo sa barangay Balogo kan magsalpok ini sa kasabatan na motorsiklo na minamaneho ni Olitoquit.
Nagsapo nin lugad sa saindang lawas an pasahero kan tricycle siring man an driver kan motorsiklo na tulos man na ipigdalagan sa ospital tanganing maipabulong.
Advertisement
Sa ngonyan, nagtitinir na sa kostudiya kan mga kapulisan an driver kan tricycle para sa maninigong disposisyon.
Advertisement
